DAGA TASKAR MAGABATA NA 10.

A Sa'oin Ƙarshe Na Rayuwar Ka Me Kake Ga Shi Zaka Aikata Domin Ya zamto Aikin Ka Na Ƙarshe A Wannan Duniya.

Sheikh Ãdil Ãli Jauhar yace: "Wani daga ɗaliban Sayyid Mahdi Shirazi (R) ya naƙalto cewa: Watarana kafin fara darasi na samu Sayyid nace masa: "Ina da tambaya da nake bukatar amsar ta, ina fatan zaku bani lokacin ku, sannan ina neman uzuri idan amsar wannan tambaya tawa ta zamto ba muhimmiya ba a gurin ku.

Sai Sayyid yace: Tafaddal, yi tambayar ka.

Sai nace: Misali Sayyid kasan cewa zaka bar duniya nan da awa guda ko kwana ɗaya, me zaka aikata a iya waɗannan lokuta da suka rage maka a rayuwa, sannan wane aiki ne zaka yi saurin aikata shi?

Sai sayyid ya amsa min cikin sauri ba tare da jinkiri ba (a al'adar Sayyid ya kasance idan akayi masa tambaya sai ya ɗan ɗau lokaci kafin ya bada amsa), amma a wannan lokaci babu jinkiri sai ya amsa da cewa: "Bazan aikata wani aiki ba sai wannan da nake yi yanzu" (ya kasance a lokacin yana muɗali'an litattafin jawahir ne, yana kintsa kan sa kafin shiga aji), wannan lokaci - kamar yadda mukace - kusan fara darasi ne.

Kawai wannan shine zai kasance mafificin aiki ga Marji'an taƙlidi, ina nufin muɗali'an hukunce-hukuncen shari'a, da koyar da ɗalibai, wannan shine muhimmin wajibin da ya hau kansu.

~ Ya Allah kasa muyi kyakykyawan ƙarshe ~

Emran Darussalam.

Comments

Muhimmancin Ranar Arfa A Imamiyya.

Da Alƙalamin Sheikh Imrana Darussalam Azumin Arfa (ranar 9 ga Zul-Hijja) yana da matsayi mai girma a tsarin ibada na Imamiyya (Shi'a), kodayake yana da bambanci kadan da fahimtar Ahlus-Sunna. A mad'hab din Imamiyya, wannan rana tana da daraja ta musamman saboda kasancewarta rana mai tsarki, rana ta addu'a da tuba, kuma rana ce da Allah ke gafartawa bayinsa da dama, musamman ga wadanda ke Arafat da kuma wadanda ba su je Hajji ba. 1. Muhimmancin ranar Arfa a Imamiyya Ranar Arfa ita ce rana ta biyu mafi falala a cikin shekara bayan Laylatul Qadr. Shi’a Imamiyya suna ganin cewa wannan rana ita ce ranar kusanci da Allah, inda ana karanta addu'o'i da yawa, musamman Addu'ar Imamu Husain (a.s) a ranar Arfa da kuma Addu’ar Imam Zainul Abidin (a.s), wadanda suka kunshi falsafa mai zurfi da ruhaniya mai karfi. 2. Azumi a ranar Arfa a Imamiyya Azumin ranar Arfa yana da falala mai girma ga wanda ba ya aikin Hajji, kamar yadda ya zo a hadisan Ahlul Bayt (a.s). Ha...

UWA TA GARI...

Uwa Ta Gari Da Alƙalamin Sheikh Imrana Haruna Darussalam Uwa ta gari itace wacce ta tanadi waɗannan abubuwa kafin tayi aure: 1. Ilimi da Fahimta > Imam Ali (a.s) yace: "العلمُ ميراثُ الأنبياء، والمالُ ميراثُ الفراعنة." al-Kāfī, j.1, bāb fadl al-ʿilm Ma’ana: Ilimi gadon annabawa ne, dukiya kuwa gadon masu zalunci. Wannan yana nuna cewa mace ta gari na buƙatar ilimi don tarbiyyar ƴayanta, domin kuwa itace Malama ta farko da ke fara bada ilimi a yaro tun a tsumman goyo kafin a kaiga kaishi makaranta. 2. Ƙauna da Tausayi > Imam al-Sadiq (a.s) yace: "رحم الله عبداً أعان ولده على برّه." al-Kāfī, j.6, bāb birr al-wālidayn Ma’ana: Allah ya ji ƙan bawan da ya taimaka wa ɗansa wajen yi masa biyayya (ta hanyar ƙauna da kulawa). Uwa ta gari tana cika gida da ƙauna da tausayi, a yayin da uwa ta haɗe wadannan abubuwa biyu to zaka samu ɗanta ya taso da tausayin al'umma da son mutane, hakan zaisa ya zamto abin so wajen mutane. 3. Tarbiyya Mai Kyau Imam Ali...

Azumin Ashura Da Tasu'a... Halasci Ko Haramci?

🟥 Haramcin Azumin Ashura Da Tasu’a. 🛑 Matsaya: A mafi yawan ra’ayoyin malamai da ruwayoyin Ahlul Bayt (a.s), azumin ranar Ashura da Tasu’a yana da laifi ko haramci idan: 1. An yi shi da niyyar murna ko farin ciki da abubuwan da suka faru a Karbala. 2. An dauke shi ibada mafi girma ko kamar na Ramadan. 3. An yi shi da nufin koyi da Yazidawa da masu murnar kisan Imam Husain (a.s). 📌 DALILAI NA HARAMCI: 1. 🔥 Dalili na Tarihi: Bayan shahadar Imam Husain (a.s) a ranar Ashura (10 ga Muharram), Gwamnatin Banu Umayyah, musamman Yazid da magoya bayansa, suka mayar da ranar murnar nasara da bukukuwa. An ruwaito cewa: > "Yazid ya bada umarni a dauki wannan rana a matsayin ranar farin ciki da yin ado." Azumin Ashura da ci da sha na musamman (alwala ta musamman, girki, da cin abinci mai dadi) sun samo asali ne daga wannan ƙirƙirar da nufin wanke laifin kisan Husain (a.s). 2. 📚 Dalili daga Riwayoyin Ahlul Bayt (a.s): 📖 Imam Ja’far al-Sadiq (a.s) ya ce: > "Wannan rana (Ashu...

Emran Darussalam

Search This Blog